Posted in MADHWA, madhwacharyaru, purandara dasaru, sulaadhi

Madhwacharyaru suladhi(By Purandara dasaru)

ಧ್ರುವತಾಳ
ಒಬ್ಬ ಆಚಾರ್ಯನು ದೈವವೇ ಇಲ್ಲವೆಂಬ |
ಒಬ್ಬ ಆಚಾರ್ಯನು ದೈವಕೆ ಎಂಟು ಗುಣವೆಂಬ |
ಒಬ್ಬ ಆಚಾರ್ಯನು ನಿರ್ಗುಣ ನಿರಾಕಾರ ನಿರೂಹನೆಂದು-
ತಾನೆ ದೈವವೆಂಬ |
ಇವರೊಬ್ಬರೂ ವೇದಾರ್ಥವರಿತೂ ಅರಿಯರು |
ಇವರೊಬ್ಬರೂ ಶಾಸ್ತ್ರಾರ್ಥವರಿತೂ ಅರಿಯರು |
ಒಬ್ಬ ಮಧ್ವಾಚಾರ್ಯರೆ ಪುರಂದರ ವಿಠಲನೊಬ್ಬನೆ
ಎಂದು ತೋರಿ ಕೊಟ್ಟವರಾಗಿ ||1||

ಮಟ್ಟ ತಾಳ
ಹರಿಪರ ದೇವತೆ ಎಂಬ ಜ್ಞಾನವೇ ಜ್ಞಾನ  |
ಹರಿಯಡಿಗಳನೈದುವ ಮುಕುತಿಯೇ ಮುಕುತಿ |
ಹರಿ ವಿರಹಿತ ಜ್ಞಾನ  ಮಿಥ್ಯಾ ಜ್ಞಾನ  |
ಹರಿ ವಿರಹಿತ ಮುಕುತಿ ಮಾತಿನ ಮುಕುತಿ |
ಹರಿಪರ ಸಿರಿ ಮಧ್ವಾಚಾರ್ಯರೇ ಗುರುಗಳು |
ತ್ರೈಲೋಕ್ಯಕೆ ಪುರಂದರ ವಿಠಲನೇ ದೈವವು ||2||

ರೂಪಕತಾಳ
ಸುರತರುವಿರುತಿರೆ ಎಲವದಫಲ ಗಿಳಿ ಬಯಸಿಪ್ಪಂತೆ |
ಹಿರಯರಾದರು ನೋಡ ಹರಿಪರದೈವೆಂದರಿಯದೆ |
ಗುರುಗಳಾದರು ನೋಡ ಹರಿ ಪರದೈವೆಂದರಿಯದೆ |
ಸಿರಿವಿರಿಂಚಿ ಭವಾದಿಗಳೆಲ್ಲ ಹರಿಯ ಡಿಂಗರಿಗರೆಂದರಿಯದೆ |
ಹಿರಿಯರಾದರು ನೋಡು ಗುರುಗಳಾದರು ನೋಡ |
ಸಿರಿ ಪುರಂದರ ವಿಠಲನ ತೋರಿದ
ಸಿರಿ ಮಧ್ವಾಚಾರ್ಯರಿರುತಿರೆ
ಗುರುಗಳಾದರು ನೋಡ ||3||

ತ್ರಿವುಡೆ ತಾಳ
ಸೋಹಂ ಎಂದು ಲೋಕವ ಮೋಹಿಸುವರ |
ನಿರಾಕರಿಸಿ ದಾಸೋಹಂ ರಹಸ್ಯವನರುಹಿದ |
ಸೋಹಂ ಎಂಬ ಸಿರಿ ಪುರಂದರ ವಿಠಲ ನಾಳು |
ಮಧ್ವ ಮುನಿ ದಾಸೋಹಂ ಎಂಬ ||4||

ಆದಿತಾಳ
ವೈದಿಕ ಮತದಲಿ ನಡೆದೆವೆಂದು ತಾವು
ವೈಷ್ಣವವಂಬಿಟ್ಟು ಕೊಟ್ಟರು ಕೆಲವರು |
ವೈಷ್ಣವ ಮತದಲ್ಲಿ ನಡದೆವೆಂದು
ವೈದಿಕವಂ ಬಿಟ್ಟುಕೊಟ್ಟರು ಕೆಲವರು |
ವೈದಿಕ ವೈಷ್ಣವ ಒಂದೇ ಎಂದು ಮಧ್ವಮತ ಮುನಿ
ಪ್ರತಿಪಾದಿಸಿದ ಪುರಂದರ ವಿಠಲ ಮೆಚ್ಚ ||5||

ಝಂಪೆತಾಳ
ಏಕ ವಿಂಶತಿ ಕುಭಾಷ್ಯ ದೂಷಕನೆಂಬ
ಬಿರುದು ನಮ್ಮಯ ಗುರುರಾಯಗಲ್ಲದುಂಟೆ |
ಪುರಂದರವಿಠಲ ಸರ್ವೋತ್ತಮನೆಂಬ
ಸಿದ್ಧಾಂತವು ನಮ್ಮ ಗುರು ರಾಯರಗಲ್ಲದುಂಟೆ ? ||6||

ಅಟ್ಟತಾಳ
ಹರಿಯೆ ಪರಮ ಗುರು ಪರಮೇಷ್ಠಿ ಗುರು ಸುರ |
ಗುರಮಧ್ವಾಚಾರ್ಯ ಚಕ್ರವರ್ತಿ ಎಂ-
ದರಿತಿರೆ ಭಕುತಿ ಮುಕುತಿಯುಂಟು |
ಪುರಂದರ ವಿಠಲನೆ ದೈವಾಧಿ ದೈವ |
ಸುರ ಗುರು ಮಧ್ವಾಚಾರ್ಯರೆ ಚಕ್ರವರ್ತಿ ||7||

ಜತೆ
ಶರಣು ಗಿರಿ ಮಧ್ವಾಚಾರ್ಯರಿಗೆ ಪುರಂದರ ವಿಠಲಗೆ |
ಶರಣು ಶರಣೆಂಬೆ ನಾನನವರತ ||

dhruvatALa
obba AcAryanu daivavE illaveMba |
obba AcAryanu daivake enTu guNaveMba |
obba AcAryanu nirguNa nirAkAra nirUhanendu-
tAne daivaveMba |
ivarobbarU vEdArthavaritU ariyaru |
ivarobbarU SAstrArthavaritU ariyaru |
obba madhvAcAryare purandara viThalanobbane
eMdu tOri koTTavarAgi ||1||

maTTa tALa
haripara dEvate eMba gnanave gnana |
hariyaDigaLanaiduva mukutiyE mukuti |
hari virahita gnana mithyA gnana |
hari virahita mukuti mAtina mukuti |
haripara siri madhvAcAryarE gurugaLu |
trailOkyake purandara viThalanE daivavu ||2||

rUpakatALa
surataruvirutire elavadaPala giLi bayasippante |
hirayarAdaru nODa hariparadaivendariyade |
gurugaLAdaru nODa hari paradaivendariyade |
sirivirinci BavAdigaLella hariya Dingarigarendariyade |
hiriyarAdaru nODu gurugaLAdaru nODa |
siri purandara viThalana tOrida
siri madhvAcAryarirutire
gurugaLAdaru nODa ||3||

trivuDe tALa
sOhaM endu lOkava mOhisuvara |
nirAkarisi dAsOhaM rahasyavanaruhida |
sOhaM eMba siri purandara viThala nALu |
madhva muni dAsOhaM eMba ||4||

AditALa
vaidika matadali naDedevendu tAvu
vaiShNavavaMbiTTu koTTaru kelavaru |
vaiShNava matadalli naDadevendu
vaidikavaM biTTukoTTaru kelavaru |
vaidika vaiShNava ondE endu madhvamata muni
pratipAdisida purandara viThala mecca ||5||

JaMpetALa
Eka viMSati kuBAShya dUShakaneMba
birudu nammaya gururAyagalladunTe |
purandaraviThala sarvOttamaneMba
siddhAntavu namma guru rAyaragalladunTe ? ||6||

aTTatALa
hariye parama guru paramEShThi guru sura |
guramadhvAcArya cakravarti en-
daritire Bakuti mukutiyunTu |
purandara viThalane daivAdhi daiva |
sura guru madhvAcAryare cakravarti ||7||

jate
SaraNu giri madhvAcAryarige purandara viThalage |
SaraNu SaraNeMbe nAnanavarata ||

Advertisements

3 thoughts on “Madhwacharyaru suladhi(By Purandara dasaru)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s