Prana deva ninallade

ಪ್ರಾಣದೇವ ನೀನಲ್ಲದೆ ಕಾಯ್ವರ
ಕಾಣೆನೋ ಜಗದೊಳಗೆ , ಮುಖ್ಯ- ||ಪ||

ಪ್ರಾಣಾಪಾನವ್ಯಾನೋದಾನ ಸ-
ಮಾನನೆನಿಪ ಮುಖ್ಯಪ್ರಾಣ ನೀನಲ್ಲದೆ ||ಅ.ಪ||

ವಾಸವ ಕುಲಿಶದಿ ಘಾಸಿಸೆ ಜೀವರ
ಶ್ವಾಸ ನಿರೋಧಿಸಿದೆ
ಆ ಸಮಯದಿ ಕಮಲಾಸನ ಪೇಳಲು
ನೀ ಸಲಹಿದೆ ಜಗವ ಮುಖ್ಯ- ||೧||

ಅಂಗದ ಪ್ರಮುಖ ಪ್ಲವಂಗರು ರಾಮನ
ಅಂಗನೆಯನು ಪುಡುಕೆ
ತಿಂಗಳು ಮೀರಲು ಕಪಿವರ-
ಪುಂಗವ ಪಾಲಿಸಿದೆ ಮುಖ್ಯ- ||೨||

ಪಾವನ ಪಾಶದಿ ರಾವಣ ನೀಲ ಸು-
ಗ್ರೀವ ಮುಖ್ಯರ ಬಿಗಿಯೆ
ಸಾವಿರದೈವತ್ತು ಗಾವುದದಲ್ಲಿಹ ಸಂ-
ಜೀವನವನು ತಂದೆ ಮುಖ್ಯ- ||೩||

ಪರಿಸರ ನೀನಿರೆ ಹರಿತಾನಿರುವನು
ಇರದಿರೆ ತಾನಿರನು
ಕರಣ ನಿಯಾಮಕ ಸುರರ ಗುರುವೇ ನೀ-
ಕರುಣಿಸೆ ಕರುಣಿಸುವ ಮುಖ್ಯ- ||೪||

ಭೂತೇಂದ್ರಿಯ ದಧಿನಾಥ ನಿಯಾಮಕ
ಆತೈಜಸ ಹರನ
ತಾತನೆನಿಪ ಜಗನ್ನಾಥವಿಠ್ಠಲನ
ಪ್ರೀತಿಪಾತ್ರನಾದೆ ಮುಖ್ಯ- ||೫||

Pranadeva ninallade kayvara kanenu jagadolage| | pa ||
Prana apana vyanodana samananenipa mukya prana ||a.pa||

Vasava kulisadi gasise jivara svasa nirodhiside |
A samayadi kamalasana pelalu ni salahide jagava | |1 | |

Angada pramuka plavangaru ramana anganeyala huduke |
Tingalu miralu kengede kapigala janguli paliside | | 2 ||

Pavina pasadi ravani nila sugrivara muka bigiye |
Saviradaivattu gavudadalliha sanjivana javadi tanditte || 3 ||

Parisara ninire hari tanippanu iradire taniranu |
Karuna niyamaka surara guruve ni karunise karunisuva | |4 | |

Butendriyangaladengatha niyamaka nataijasaharana |
Tatanenipa jagannatha vithalana priti patranade | |5 ||