ಮಡಿ ಮಡಿ ಮಡಿಯೆಂದು ಅಡಿಗಡಿಗಹಾರುವೆ ಮಡಿ ಮಾಡು ಬಗೆ ಬೇರುಂಟು
ಪೊಡವಿ ಪಾಲಕನ ಪಾದ ಧ್ಯಾನವನು ಬಿಡದೆ ಮಾಡುವುದದು ಮಡಿಯು
೧: ಬಟ್ಟೆಯ ನೀರೊಳಗದ್ದಿ ಒಣಗಿಸಿ ಉಟ್ಟು ಕೊಂಡರೆ ಅದು ಮಡಿಯಲ್ಲ
ಹೊಟ್ಟೆಯೊಳಗಿನ ಕಾಮ ಕ್ರೋಧ ಮದ ಮತ್ಸರ ಬಿಟ್ಟು ನಡೆದರೆ ಅದು ಮಡಿಯು
೨: ದಶಮಿ ದ್ವಾದಶಿ ಪುಣ್ಯ ದಿನದಲಿ ವಸುದೇವ ಸುತನನು ಪೂಜಿಸದೆ
ದೋಷಕಂಜದೆ ಪರರನ್ನ ಭುಂಜಿಸಿ ಯಮ ಪಾಶಕೆ ಸಿಲುಕುವುದದು ಮಡಿಯೆ
೩: ಹಸಿದು ಭೂಸುರರು ಮಧ್ಯಾಹ್ನ ಕಾಲಕೆ ಕುಸಿದು ಮನಗೆ ಬಳಲುತ ಬಂದರೆ
ಮಸಣಿಗೊಂದು ಗತಿಯಿಲ್ಲವೆಂದು ತಾ ಹಸನಾಗಿ ಉಂಬೋದು ಹೊಲೆ ಮಡಿಯು
೪: ಇಚ್ಚೆಯಿಂದ ಮಲ ಮೂತ್ರ ಶರೀರವ ನೆಚ್ಚಿ ತೊಳೆಯಲು ಅದು ಮಡಿಯೆ
ಅಚ್ಯುತಾನಂತನ ನಾಮವ ನೆನೆದು ಸಂಚಿತ ಕಳೆವುದು ಅದು ಮಡಿಯು
೫: ಹರಿಯರ ಗುರುಗಳ ಹರಿ ದಾಸರುಗಳ ಚರಣಕೆರಗಿ ಬಲು ಭಕ್ತಿಯಲಿ
ಪರಿಪಾಲಿಸು ಎಂದು ಪುರಂದರ ವಿಠಲನ ಇರುಳು ಹಗಲು ಸ್ಮರಿಸುವುದು ಮಡಿಯು
Madi madi yendu adigadigharuve
Madi Maaduva Bage Beruntu
Podavi Paalakana Paadadhyaanavanu
Bidade Maaduvudadu Madiyu||
Batteya Neerolagaddi Onagisi
Uttukondare Adhu Madiyalla
Hotteyolagina Kama Krodha Mada Matsara
Bittu Nadedare Adhu Madiyu||
Dashami Dwadashi Punya Dinadali
Vasudevasutananu Pujisade
Doshakanjade Pararanna
Bhunjisi Yamapashake Silukuvudadu Madiye||
Hasidu Bhusuraru Madhyanha Kaalake
Kusidu Manege Balaluta Bandare
Masanigondu Gatiyillavendu
Thaa Hasanaagi Umbodu Holemadiyu||
Iccheyinda Malemutra Sharirava
Necchi Toleyalu Adhu Madiye
Achtyutanantana Namava Nenedu
Sanchita Kalevudu Adhu Madiyu||
Hiriyara Gurugala Haridasarugala
Charanakeragi Balu Bhaktiyali
Paripalisu Endu Purandara Vittalana
Hagalu Irulu Smarisividu Madiyu||
One thought on “Madi madi yendu”