ಸ್ಮರಿಸಿ ಬೇಡುವೆ ನಾ – ಹೇ ಗುರುಸಾರ್ವಭೌಮಾ || ಪ ||
ನಿರುತ ನೀ ಪೊರೆಯನ್ನ – ವಾದಿಗಜಸಿ೦ಹ || ಅ ||
ದಿತಿಸುತಗೆ ಸುತನೆನಿಸಿ ಅತಿಮುದದಿ ಸುರಮುನಿಯ
ಮತಪಿಡಿದು ಹರಿಮಹಿಮೆ ಪಿತಗೆ ಪೇಳಿ
ಖತಿಗೊ೦ಡು ನಿನ್ನ ಮೂರುತಿ ತೋರೆನಲು ಶ್ರೀ
ಪತಿಯ ಸ್ತ೦ಭದಿ ಕರೆದ ಪ್ರಲ್ಹಾದರಾಜ || ೧ ||
ಬಾಲ್ಯದಲಿ ಯತಿಯಾಗಿ ಲೀಲೆಯಿ೦ದಲಿ ಭೂಮಿ
ಪಾಲಗೊದಗಿರ್ದ ಕುಯೋಗ ಬಿಡಿಸಿ
ಖೂಳ ಮಾಯ್ಗಳ ಜಯಿಸಿ ಚ೦ದ್ರಿಕಾ ಗ್ರ೦ಥವನು
ಪೇಳಿ ಹಿರಿಪೀಠವೇರಿದ ವ್ಯಾಸರಾಜ || ೨ ||
ಕಾಮರಿಪುನುತ ಮೂಲರಾಮಪದಯುಗಕುಮುದ
ಸೋಮನೆನಿಸುವ ಭಕ್ತ ಸ್ತೋಮಕೆಲ್ಲ
ನೇಮದಿ೦ದಲಿ ವಿವಿಧ ಕಾಮಿತಾರ್ಥ ಸ್ಫುಟಿತ
ಹೇಮಸನ್ನಿಭಗಾತ್ರ ಪಾವನಚರಿತ್ರ || ೩ ||
ಶಾ೦ತತೆಯ ಪೊ೦ದಿ ಮ೦ತ್ರಾಲಯದಿ ವೃ೦ದಾವ
ನಾ೦ತರದೊಳಿರುತ ಸಿರಿಕಾ೦ತಹರಿಯ
ಚಿ೦ತಿಸುತಲಿಹ ಸರ್ವತ೦ತ್ರ ಸ್ವತ೦ತ್ರ ಕರು
ಣಾ೦ತರ೦ಗನೆ ರಾಘವೇ೦ದ್ರಯತಿವರ್ಯಾ || ೪ ||
ಮೂಕಬಧಿರಾ೦ಧತ್ವಗಳ ಪೊ೦ದಿ ಧರಣಿಯೊಳು
ವ್ಯಾಕುಲವ ಪಡುವವರನುಧ್ಧರಿಸುತ
ನಾಕಪತಿವಿನುತ ಜಗನ್ನಾಥವಿಠ್ಠಲಮಧುವ
ನೀಕೊಟ್ಟು ಸಲಹೆನ್ನಭೀಷ್ಟಸಮುದಾಯ || ೫ ||
Smarisi beduve na – he gurusarvabauma || pa ||
Niruta ni poreyanna – vadigajasinha || a ||
Ditisutage sutanenisi atimudadi suramuniya
Matapididu harimahime pitage peli
Katigondu ninna muruti torenalu sri
Patiya stanbadi kareda pralhadaraja || 1 ||
Balyadali yatiyagi lileyindali bumi
Palagodagirda kuyoga bidisi
Kula maygala jayisi chandrika granthavanu
Peli hiripithaverida vyasaraja || 2 ||
Kamaripunuta mularamapadayugakumuda
Somanenisuva Bakta stomakella
Nemadindali vividha kamitartha sputita
Hemasannibagatra pavanacaritra || 3 ||
Santateya pondi mantralayadi vrundava
Nantaradoliruta sirikantahariya
Cintisutaliha sarvatantra svatantra karu
Nantarangane ragavendrayativarya || 4 ||
Mukabadhirandhatvagala pondi dharaniyolu
Vyakulava paduvavaranudhdharisuta
Nakapativinuta jagannathaviththalamadhuva
Nikottu salahennabishtasamudaya || 5 ||
One thought on “smarisi beduve na”