sri Raama panchakam

ಪ್ರಾತಃ ಸ್ಮರಾಮಿ ರಘುನಾಥಪದಾರವಿಂದಂ
ಮಂದಸ್ಮಿತಂ ಮಧುರಭಾಷವಿಶಾಲಫಾಲಮ್ |
ಕರ್ಣಾವಲಂಬಿಚಲಕುಂಡಲಲೋಲಗಂಡಂ
ಕರ್ಣಾಂತದೀರ್ಘನಯನಂ ನಯನಾಭಿರಾಮಮ್ || ೧ ||

ಪ್ರಾತರ್ಭಜಾಮಿ ರಘುನಾಥಪದಾರವಿಂದಂ
ರಕ್ಷೋಗಣಾಯ ಭಯದಂ ವರದಂ ದ್ವಿಜೇಭ್ಯಃ |
ಯದ್ರಾಜ್ಯಸಂಸದಿ ವಿಭಜ್ಯ ಮಹೇಶಚಾಪಂ
ಸೀತಾಕರಗ್ರಹಣಮಂಡಲಮಾಪ ಸದ್ಯಃ || ೨ ||

ಪ್ರಾತರ್ನಮಾಮಿ ರಘುನಾಥಪದಾರವಿಂದಂ
ವಜ್ರಾಂಕುಶಾದಿಶುಭರೇಖಧ್ವಜಾವಹಂ ಮೇ |
ಯೋಗೀಂದ್ರಮಾನಸಮಧುವ್ರತಸೇವ್ಯಮಾನಂ
ಶಾಪಾಪಹಂ ಸಪದಿ ಗೌತಮಧರ್ಮಪತ್ನ್ಯಾಃ || ೩ ||

ಪ್ರಾತಃ ಶ್ರಯೇ ಶ್ರುತಿನುತಾಂ ರಘುನಾಥಕೀರ್ತಿಂ
ನೀಲಾಂಬುದೋತ್ಪಲಸಿತೇತರರತ್ನನೀಲಾಮ್ |
ಆಮುಕ್ತಮೌಲಿಕವಿಭೂಷಣಭೂಷಣಾಢ್ಯಾಂ
ಧ್ಯೇಯಾಂ ಸಮಸ್ತಮುನಿಭಿರ್ಜನಮೃತ್ಯುಹಂತ್ರೀಮ್ || ೪ ||

ಪ್ರಾತರ್ವದಾಮಿ ವಚಸಾ ರಘುನಾಥನಾಮ
ವಾಗ್ದೋಷಹಾರಿ ಸಕಲಂ ಶಮಲಂ ನಿಹಂತಿ |
ಯತ್ಪಾರ್ವತೀ ಸ್ವಪತಿನಾ ಸಹ ಭೋಕ್ತುಕಾಮಾ
ಪ್ರೀತ್ಯಾ ಸಹಸ್ರಹರಿನಾಮಸಮಂ ಜಜಾಪ || ೫ ||

ಯಃ ಶ್ಲೋಕಪಂಚಕಮಿದಂ ನಿಯತಂ ಪಠೇದ್ಯಃ
ಪ್ರಾತಃ ಪ್ರಭಾತಸಮಯೇ ಪುರುಷಃ ಪ್ರಬುದ್ಧಃ |
ಶ್ರೀರಾಮಕಿಂಕರಜನೇಷು ಸ ಏವ ಮುಖ್ಯೋ
ಭೂತ್ವಾ ಪ್ರಯಾತಿ ಹರಿಲೋಕಮನನ್ಯಲಭ್ಯಮ್ || ೬ ||

ವಾದಿರಾಜಯತಿಪ್ರೋಕ್ತಂ ಪಂಚಕಂ ಜಾನಕೀಪತೇಃ |
ಶ್ರವಣಾತ್ ಸರ್ವಪಪಘ್ನಂ ಪಠನಾನ್ಮುಕ್ತಿದಾಯಕಮ್ || ೭ ||

|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ಶ್ರೀರಾಮಪಂಚಕಂ ಸಂಪೂರ್ಣಮ್ ||

Pratah smarami ragunathapadaravindam
Mandasmitam madhurabashavisalapalam |
Karnavalambicalakundalalolagandam
Karnantadirganayanam nayanabiramam || 1 ||

Pratarbajami ragunathapadaravindam
Rakshoganaya bayadam varadam dvijebyah |
Yadrajyasamsadi vibajya mahesacapam
Sitakaragrahanamamdalamapa sadyah || 2 ||

Pratarnamami ragunathapadaravindam
Vajramkusadisubarekadhvajavaham me |
Yogindramanasamadhuvratasevyamanam
Sapapaham sapadi gautamadharmapatnyah || 3 ||

Pratah sraye srutinutam ragunathakirtim
Nilambudotpalasitetararatnanilam |
Amuktamaulikavibushanabushanadhyam
Dhyeyam samastamunibirjanamrutyuhamtrim || 4 ||

Pratarvadami vacasa ragunathanama
Vagdoshahari sakalam samalam nihanti |
Yatparvati svapatina saha boktukama
Pritya sahasraharinamasamam jajapa || 5 ||

Yah slokapancakamidam niyatam pathedyah
Pratah prabatasamaye purushah prabuddhah |
Sriramakimkarajaneshu sa Eva mukyo
Butva prayati harilokamananyalabyam || 6 ||

Vadirajayatiproktam panchakam janakipateh |
Sravanat sarvapapagnam pathananmuktidayakam || 7 ||

|| iti srimadvadirajapujyacaranaviracitam sriramapanchakam sampurnam ||