Amba ni huva paalise vara

ಅಂಬಾ ನೀ ಹೂವ ಪಾಲಿಸೆ ವರ ನೀಡೆ ಶ್ರೀ ಜಗ-
ದಂಬಾ ನೀ ಹೂವ ಪಾಲಿಸೆ
ಅಂಬಾ ನೀ ಹೂವ ಪಾಲಿಸೆ ಶಂಭು ಶಂಕರನ ರಾಣಿ
ರಂಭೆ ಪಾರ್ವತಿ ನಿನ್ನ ಪಾದಾಂಬುಜಕ್ಕೆರಗುವೆ ||pa||

ಬಳೆಯು ಕರಿಯಮಣಿ ಕೊರಳÀ ಮಂಗಳ ಸೂತ್ರ
ಸ್ಥಿರವಾಗಿಯಿರುವಂತೆ ಸರ್ವ ಸಂಪತ್ತು ನೀಡಂಬಾ ||1||

ಮಕ್ಕಳು ಮನೆ ಭಾಗ್ಯ ತೊಟ್ಟಿಲು ತೂಗುವಂತೆ
ಮೃಷ್ಟಾನ್ನ ದಾನ ಮಾಡಲಿಷ್ಟಾರ್ಥದ್ವರಗಳ ಅಂಬಾ||2||

ರುದ್ರನ ಸತಿಯಳೆ ಬುದ್ಧ್ಯಾತ್ಮಳೆನಿಸುವಿ
ಭದ್ರೆ ನಿನ್ನಯ ಮುಡಿಯಲ್ಲಿದ್ದ ಮಲ್ಲಿಗೆಯ ನೀಡಂಬಾ ||3||

ಇಂತು ಬೇಡುವೆ ನಿನ್ನ ಸಂಪಿಗೆ ಮುಡಿಮ್ಯಾಲಿ-
ದ್ದಂಥ ಕುಸುಮದೊಳು ಶಾವಂತಿಗೆ ಸರವ ||4|

ಭೀಮೇಶಕೃಷ್ಣನ ನಿಜ ಪಾದಭಜಕಳೆ ನೀ
ದಯದಿಂದ ಧರ್ಮ ಕಾಮ್ಯಾರ್ಥದ್ವರಗಳ ||5||

aMbA nI hUva pAlise vara nIDe SrI jaga-
daMbA nI hUva pAlise
aMbA nI hUva pAlise SaMBu Sankarana rANi
raMBe pArvati ninna pAdAMbujakkeraguve ||pa||

baLeyu kariyamaNi koraLaÀ mangaLa sUtra
sthiravAgiyiruvaMte sarva saMpattu nIDaMbA ||1||

makkaLu mane BAgya toTTilu tUguvante
mRuShTAnna dAna mADaliShTArthadvaragaLa aMbA||2||

rudrana satiyaLe buddhyAtmaLenisuvi
Badre ninnaya muDiyallidda malligeya nIDaMbA ||3||

intu bEDuve ninna saMpige muDimyAli-
ddantha kusumadoLu SAvantige sarava ||4|

BImESakRuShNana nija pAdaBajakaLe nI
dayadinda dharma kAmyArthadvaragaLa ||5||