Kudire bandide

ಕುದುರೆ ಬಂದಿದೆ ಚೆಲುವ ಕುದುರೆ ಬಂದಿದೆ |ಪ|

ವಾದಿರಾಜರಿಗೊಲಿದು ಬಂದು ಸ್ವಾದಿಪುರದಲ್ಲಿ ನಿಂದ|ಅ.ಪ|

ಮುಂಗಾಲು ಕೆದರಿ ಕುಣಿವ ಕುದುರೆ
ಹಿಂಗಾಲಿಲಸುರರ ಒದೆವ ಕುದುರೆ|
ರಂಗನೆಂದರೆ ಸಲಹೊ ಕುದುರೆ
ತುಂಗ ಹಯವದನ ಕುದುರೆ||1||

ಹಲ್ಲಣದೊಳಗೆ ನಿಲ್ಲದು ಕುದುರೆ
ಬೆಲ್ಲ ಕಡಲೆ ಮೆಲ್ವ ಕುದುರೆ|
ಫುಲ್ಲಭವನಿಗೊರೆದ ಕುದುರೆ
ಚೆಲ್ವ ಹಯವದನ ಕುದುರೆ||2||

ಸುತ್ತಮುತ್ತಲಾಡುವ ಕುದುರೆ
ಮತ್ತವಾದಿಯ ಗೆಲ್ವ ಕುದುರೆ|
ಶತ್ರುಗಳೆಲ್ಲರ ಬಡಿವ ಕುದುರೆ
ತತ್ವ ಹಯವದನ ಕುದುರೆ||3||

kudure bandide celuva kudure bandide |pa|

vAdirAjarigolidu bandu svAdipuradalli ninda|a.pa|

mungAlu kedari kuNiva kudure
hingAlilasurara odeva kudure|
ranganendare salaho kudure
tunga hayavadana kudure||1||

hallaNadoLage nilladu kudure
bella kaDale melva kudure|
PullaBavanigoreda kudure
celva hayavadana kudure||2||

suttamuttalADuva kudure
mattavAdiya gelva kudure|
SatrugaLellara baDiva kudure
tatva hayavadana kudure||3||